في الأول والأول بس

أنا بحب البرنس تامر حسني وأغانيه وبحب الكينج عمرو دياب طبعا يعني مش متحيز لأي حد

طبعا تامر حسني حصلت له أكبر حملة دعاية لأي شخص في العالم وهيه طبعا دخوله السجن وإنشغال الناس بأخبار موضوع سجنة إلي كانت حاجة عمرها ما حصلت لأي نجم وكدة

بعد خروجه من السجن ونزول ألبومه يا بنت الإيه ومحققش النجاح والأرباح المتوقعة حوالي 100 ألف نسخة وطبعا حكاية إن أغنية يا بنت الإيه إلي من تأليف وتلحين تامر حسني إنها مسروقة وكدة والفيلم لسه محدش يقدر يحكم عليه لكن أكيد هيحقق نجاح باسم بطله وكمان لان فيه كوميديا جامدة ولأن قصة الفيلم من تأليف تامر حسني يعني هيبقى حاسس القصة وهوه بيمثلها أكيد هيبقى فيلم جامد إن شاء الله

أما الكينج عمرو دياب هينزل ألبومه إلي بيستناه العالم العربي كله في شهر يونيو 6 وأكيد طبعا هيحقق أرباح جامدة جدا لأن ألبوم تامر حسني مكنش جامد زي ألبوم عينيه بتحبك وألبوم عمرو دياب كمل كلامك مكنش برده جامد زي قبل كده بس حصلت مبيعات مليون نسخة لألبومه كمل كلامك يعني أكيد الألبوم الجاي إن شاء الله هيحقق أكثر من مليون نسخة

وعمرو دياب بيستعد للعودة إلى السينما بفيلم الحلم سيناريو وحوار د مدحت العدل والفيلم قالو إنه فيلم أكشن والشعب المصري بيموت في الكوميديا والأكشن يعني أكيد هيحقق فوق أرباح فيلم تامر حسني عمر وسلمى لأن مفيش حد مركز في شغله قد عمرو دياب

أما النجم الجميل محمد حماقي طبعا المفروض إن ألبوماته مش هتتأخر سنتين زي كل مرة وكمان بيستعد لدخول المجال السينيمائي لسة مفيش أي أخبار عن الفيلم ده

كفاية كدة عشان أنا مبقتش قادر أكتب حاجة تانية

يا ريت الردود وتشاركو بالرأي